اشتغالات الدماغ mind tricks
في حالات كده النافوخ البشري بيحب يشتغل صاحبه ويقوم هو بالليلة بتاعت التفكير دي بالكامل بعيد عن البني ادم اللي شايله جوه راسه.
من اشهر الحالات دي لما الذاكرة البصرية visual memoryبتاعت جنابك تشتغلك وتوصل لك معلومة ان الشكل اللي قدامك كامل في حين انه هو ناقص زي شكل المثلث الناقص اللي في الصورة دي وزي حالات تانية كتيير .
طيب ايه المشكلة هنا .. ؟
المشكلة ببساطة ان الطرف اللي بيخدعك وبيقدم لك معلومة غلط ده مش صاحبك ولا صاحبتك ولا حتى مامتك .. ده عقلك انت شخصيا !
وفي الحالة دي اظن الموضوع هيبقى معقد حبتين لان من الصعب على اي بني آدم فينا يستوعب فكرة ان عقله بيشتغله ، طب السؤال المهم هنا ليه عقلي يشتغلني اصلا ؟؟
والاجابة بقى ان العقل البشري حينما يتعرض لشكل ناقص يتسبب هذا الشكل في رفع درجة التوتر بشكل حاد لديه مما يدفع العقل للبحث عن وسيلة لتخفيف حدة التوتر ده وساعتها يقوم لاشعوريا باكمال الشكل الناقص من خلال الاعتماد على الذاكرة البصرية اللي اكيد بتكون مخزنه صورة او اكثر عن الشكل المراد اكماله وعند اتمام العملية دي -استبدال الشكل الناقص اللي في الحقيقة بصورة كاملة من الذاكرة - يرجع مستوى التوتر للدرجة العادية .
شفت ازاي الموضوع بسيط لا وسريع كمان لا يستغرق اكثر من اجزاء من الثانية الواحدة.
طب والحل .. الحل انك تركز جنابك عشان لو اتعودت تاخد كل حاجة بالشبه كده هتلبس في العمود، وكمان احب افكرك ان الساحر بتاع السيرك والنشال اللي عايز يسرق محفظتك وحتى عيالك الصغيرين ممكن يعملوا حاجات يعتمدوا فيها على اظهار اشكال معينة فتقوم ذاكرة حضرتك البصرية مكملاها وتكون ساعتها سبب انك انت بقى تاكل الاونطة .
#علم_نفخ
#visual_memory
#الذاكرة_البصرية
#Psychology
من اشهر الحالات دي لما الذاكرة البصرية visual memoryبتاعت جنابك تشتغلك وتوصل لك معلومة ان الشكل اللي قدامك كامل في حين انه هو ناقص زي شكل المثلث الناقص اللي في الصورة دي وزي حالات تانية كتيير .
طيب ايه المشكلة هنا .. ؟
المشكلة ببساطة ان الطرف اللي بيخدعك وبيقدم لك معلومة غلط ده مش صاحبك ولا صاحبتك ولا حتى مامتك .. ده عقلك انت شخصيا !
وفي الحالة دي اظن الموضوع هيبقى معقد حبتين لان من الصعب على اي بني آدم فينا يستوعب فكرة ان عقله بيشتغله ، طب السؤال المهم هنا ليه عقلي يشتغلني اصلا ؟؟
والاجابة بقى ان العقل البشري حينما يتعرض لشكل ناقص يتسبب هذا الشكل في رفع درجة التوتر بشكل حاد لديه مما يدفع العقل للبحث عن وسيلة لتخفيف حدة التوتر ده وساعتها يقوم لاشعوريا باكمال الشكل الناقص من خلال الاعتماد على الذاكرة البصرية اللي اكيد بتكون مخزنه صورة او اكثر عن الشكل المراد اكماله وعند اتمام العملية دي -استبدال الشكل الناقص اللي في الحقيقة بصورة كاملة من الذاكرة - يرجع مستوى التوتر للدرجة العادية .
شفت ازاي الموضوع بسيط لا وسريع كمان لا يستغرق اكثر من اجزاء من الثانية الواحدة.
طب والحل .. الحل انك تركز جنابك عشان لو اتعودت تاخد كل حاجة بالشبه كده هتلبس في العمود، وكمان احب افكرك ان الساحر بتاع السيرك والنشال اللي عايز يسرق محفظتك وحتى عيالك الصغيرين ممكن يعملوا حاجات يعتمدوا فيها على اظهار اشكال معينة فتقوم ذاكرة حضرتك البصرية مكملاها وتكون ساعتها سبب انك انت بقى تاكل الاونطة .
#علم_نفخ
#visual_memory
#الذاكرة_البصرية
#Psychology
ليست هناك تعليقات:
إرسال تعليق